Whey Protein

Пазарска количка

производи:0 бр.

Општа сума 0.00 MKD

Пливајте и истопете ги килограмите во базен

Од дата: 17-07-12 г.

Пливањето е одлична кардиоваскуларна вежба за телото без ризици за остри болки во зглобовите кои доаѓаат со трчањето или дигањето голема тежина. Ќе потрошите отприлика еднаков број на калории во минути како да сте возеле велосипед.

Пливањето е спорт кој ќе ви ја развие силата потребна за останатите спортови, и ќе го добиете виткиот и силен изглед кој ја мами секоја жена.

Пливањето создава функционално тело, почнувајќи со основните мускули - мускулите на грбот, градите и стомакот: "Луѓето мислат дека се работи за зајакнување на рацете и нозете, но тоа е само основата на она што се добива, доколку правилно се плива" - вели Тери Лафлин, ветеран по пливање, тренер и автор на книгата "Triathlon swimming made easy".

Проблемот е што многу мажи не знаат правилно да пливаат - Мавтаат со рацете, потонуваат и се откажуваат. Но, не и вие. Вашата лекција за пливање, верзијата за возрасни, започнува овде.

Водете со врвот на главата, а не со челото, за подобро усогласување на главата и 'рбетот. Гледајте во дното на базенот, а не нанапред.

Туркајте надолу со градите се додека колковите и нозете не бидат лесни. Тоа чувство на "тонење" е последица на различната положба на колковите и нозете од горниот дел на телото. Туркањето со градите надолу ви дава подобра рамнотежа.

Лизгајте ги рацете во водата со секој замав, исто како да облекувате ракав. Должината на линијата на телото го намалува отпорот. Испружете ја раката се додека рамото не ви ја допре вилицата.

Смирете го телото. Брановите околу вас укажуваат на залудно потрошениот напор. Замислете дека ја пробивате водата и навлегувате во отвор.

"Доколку останете без здив, сосема е нормално да се одморите покрај базенот, отколку да се борите со лошата форма" - вели тренерот Тери Лафлин. Оваа 30 минутна вежба дозволува многу одмор.

Фаза бр. 1: Пливајте 4 х 25 метри, фокусирајќи се на положбата на главата и градите, одмарајќи се во траење на 5 длабоки вдишувања после секоја отпливана должина. потоа пливајте 25, 50, 75 и 100 метри. (Одмарајте се после секоја отпливана должина).

Отпливајте ги останатите кругови со последните напори, броејќи ги замавнувањата. Уморниот пливач има поголем број на замавнувања.

Фаза бр. 2: Пливајте 6 х 25 фокусирајќи се на должината на телото. Потоа пливајте 100, 75, 50 и 25 метри. (Еднакво одмарајте се). Лесно отпливајте 100 метри. 

Фаза бр. 3: Пливајте 8 х 25 фокусирајќи се на "тивката" форма. Потоа пливајте 25, 50, 75 и 100 метри.(Еднакво одмарајте се).

 

 

Tyxo.bg counter