NO PAIN, NO GAIN

NO PAIN, NO GAIN ??????

Дали доколку не чуствуваме болка за време на тренингот или исцрпеност после тренингот , немаме придобивка од истиот?

Тренинг програмите не подразбираат “ убиство “ со секоја една сесија за на крајот да се чуствувате исцрпени, туку напротив треба да ви дава стимул на структурирана сесија за здобивање со постепена брзина, издржливост и сила.

Постојат 4 различни тренинг стресови, а тие се: фреквенција, времетраење, интензитет и обем на тренингот. Најважен од сите е интензитетот. Доколку вежбате, премногу често и премногу долго ќе завршите повредени, претренирани или ќе се разболите. Доколку пак тренирате многу ретко, тогаш нема да ја постигнете посакуваната цел. Ако не се усогласите со интензитетот не е важно дали се друго правите правилно, нема да успеете да го вложите цел свој потенцијал.

Оптеретување на телото за време на тренингот треба да биде во толкава мера колку што телото може да поднесе затоашто телото може да се претвори во најчуствителната машина, па доколку му зададете премногу стрес, телесните келии слабеат и можеби ќе бидат потребни и денови за да се опорават. Значи покрај придобивката од тренингот, задолжително е на одреден временски период да се направи пауза која придонесува за јакнење на телото и раст на мускулите.

Доколку пак не сте почетници и вашето тело е навикнато на поинтензивни тренинзи, како  време за опоравување би можело и да ви послужи последната серија од вежбите, но со помала или без воопшто тежина така што забрзаното струење на крвта ќе биде од голема помош за опоравување  на мускулите. Да напоменеме оваа серија треба да биде многу лесна.

Интензитетот е клучот на тренингот и напредокот, не секое повторување се однесува на брзината, значи не треба после секој тренинг да чуствувате болка и исцрпеност .